Faladoiro informativo presentado por Silvia Pereira e Manuel Estévez dende o estudio multimedia da Radio Galega.

Faladoiro na biblioteca xeral do Parlamento.

Serie. “Viradeira” narra, en clave de humor, a pugna entre veciños e expertos buscadores de tesouros por facerse co ouro dun galeón afundido.

Serie. As Noias, fartas de xogar tanta partida á escoba -algunha que outra farta de perder acotío as mans - deciden probar algo novo e celebrar unha cea. Axiña comezan a buscar un motivo para festexala.

Serie. Chegou o Nadal e as nosas amigas preparan algo especial, un belén vivente! Queren participar nun concurso para gañar un premio de 1000 euros. Para empezar precisan que todas participen, pero non están todas pola labor.

Serie. Estamos en Nadal, e no Nadal chegan os Reis Magos de Oriente As mozas e Luisiño escriben as súas cartas cos seus desexos; nunca se é demasiado maior para escribirlle aos Reis; mentres se teña ilusión na vida e gañas de soñar paga a pena estar vivo, como di Antonia.

Serie. Semella que deixaron a Luís só no local, pero claro este non cala nin morto. Pouco a pouco iremos lembrando coa súa compaña as peripecias das nosas noias: as toladas de Amparo, os despistes de Sofía, as "clases" de Marina, as ganas de morrer de Milagros, as obsesións de Antonia con Barçelona e máis as pelas, a relación de Luñís con Carlota e as arroutadas de Don Ricardo.

Serie. Don Ricardo decidiu que coa crise o local necesita uns retoques para se adaptar aos novos tempos, pero as noias o que pensan é que quere escondelas para que non as vexa ninguén, ou peor aínda, facer que lisquen! O albanel que está a traballar na obra ten que lidar coas mozas, que non llo porán nada fácil para que remate o seu traballo.

Serie. Luís está a preparar a festa de inauguración do bar despois da reforma e as noias non queren perder o evento, algo bo tiña que ter o cambio! Amparo non pode esperar a que o local este cheo de mozos ben parecidos, Antonia xa está vendo a nova xente con "clas" que virá ao local, Milagros quere probar os pinchos que preparou Luís e Sofía... anda un pouco despistada.

Serie. Nesta ocasión, Milagros leva un bo desgusto porque no banco lle din que perdeu todos os cartos cun investimento que saíu mal. Pero que investimento? Se ela non lle tocou ao diñeiro para nada! E, por riba, agora ten que facer fronte ás facturas.

Serie.

Cada día, xente que traballa a terra, ben por oficio ou como afección, ofrecerá pequenas e sinxelas leccións coas que transmitirán o seu saber sobre a horta e os seus froitos.

Presenta Eduardo Herrero.

Presenta Marta Darriba.

Información deportiva a cargo de Terio Carrera.

Serie. No estado de Nevada, ao sur de Virxinia City, entre Reno e máis aló de Carson City, esténdese os máis de 1.500 km2 do rancho A Ponderosa, propiedade dos Cartwright: Ben, o pai e os seus tres fillos Adam, Hoss, e o pequeno Joe.

Concurso presentado por Rodrigo Vázquez que combina unha aditiva dinámica de xogo e o aspecto máis humano e interactivo do 'talk show'. As parellas concursantes deben responder correctamente 8 preguntas e abrir 8 das 10 bonecas rusas xigantes para conseguir a maior cantidade de cartos posibles.

A TVG aposta polo comercio local con 'Escapárate', programa que propón adentrarse nas tendas de toda a vida. Dous equipos, integrados por profesionais e polos propietarios dos negocios, compiten para ver quen consegue preparar o mellor escaparate. Dúas tendas de roupa masculina, unha en Ferrol e outra en Santiago, piden hoxe a axuda dos interioristas e deseñadores de ‘Escapárate’.

Programa que lles achega aos espectadores galegos toda a actualidade cultural, presentado por Pilar G. Rego (de luns a venres) e María Solar (fin de semana). O programa achégase ao documental ‘O camiño de Prisciliano’, homenaxe a Ramón Chao, da man do seu director, Aser Álvarez

A TVG tómalles o pulso ás grandes urbes galegas a través dos seus habitantes. Neste programa, os espectadores coñecerán cada edición tres personaxes con vidas únicas e poranlles nome e voz ás persoas coas que se cruzan cada día. Despois de coñecer Navantia, o programa visita os bombeiros da Coruña e un salón de peiteado en Vigo. En Santiago asistirá a unha clase de karate cun coñecido hostaleiro da cidade.

Presentan Marcos Sueiro e Raquel Domínguez. Mercedes Seijo encárgase da información deportiva.

Edward toma a decisión de deixar a súa muller, Grace, tras 29 anos de matrimonio. A partir dese momento, cada un deles, ao seu xeito, buscará a forma de refacer a súa vida nunha pequena vila costeira preto dos cantís de Hope Gap.

Programa que lles achega aos espectadores galegos toda a actualidade cultural, presentado por Pilar G. Rego (de luns a venres) e María Solar (fin de semana). O programa achégase hoxe ao documental ‘O camiño de Prisciliano’, homenaxe a Ramón Chao, da man do seu director, Aser Álvarez.

Tras a ruptura matrimonial, Carmela deixa Vigo e establécese en Miranda, a súa terra natal. É veterinaria e retoma a súa profesión para ocupar a vacante que deixou o seu tío Alfonso, acabado de xubilar. Queda a vivir, xunto cos seus fillos, Brais e Bea, na casa do seu vello e solitario tío. Emilio confunde a don Amador coa Santa Compaña, e ante o medo de que a morte chame a súa porta, persegue a Reme para ter un fillo e deixar un herdeiro. Bea comunícalle a súa nai que vai estudiar veterinaria en Lugo.