CRTVG

Programa de cociña presentado polo chef Iván Mariñas, que se pon ao mando dos fogóns con receitas sinxelas para toda a familia, cheas de sabor e de produtos galegos.

A TVG tómalle a temperatura ao día a día dos galegos con ‘O termómetro’, o novo magazine das mañás, presentado por Rocío Delgado e Bernardo Montaña. Centrado na realidade social galega, ofrecerá unha ampla cobertura en directo da actualidade e, da man de expertos, tratará os temas que máis preocupan os espectadores. En ‘O Termómetro’, un experto en seguridade viaria dará consellos de cara ao inverno e as baixas temperaturas, e un xinecólogo abordará a complexa etapa da menopausa.

Presenta Sevi Martínez.

Presenta Marta Darriba.

Información deportiva a cargo de Terio Carrera.

Magazine divertido e participativo, en directo, presentado por Roberto Vilar e Juan Fuentes, que entretén os espectadores con contidos frescos e sorprendentes.

Programa vivo e variado, presentado por David Espiño e Rocío Durán, onde as grandes protagonistas serán as historias cotiás dos galegos e galegas.

Presenta Pablo Muñoz. Mercedes Seixo encárgase da información deportiva.

Presentado por Paco Lodeiro, este concurso de preguntas e respostas convida o espectador a xogar desde a casa e dálles aos concursantes a posibilidade de gañar importantes premios. Esta nova edición do ‘Atrápame se podes, chanzo arriba’ irrompe cun bote de 4.800 €. Sergio, de Cambados; Iria, de Ourense; Sabela, de Vigo; Suso, de Carballo, e César, de Valdoviño, van loitar para que deixe de medrar. Se non o consegue ningún deles, o finalista leva un petisco de 200 €.

Docu-reality de reformas en que unha arquitecta percorrerá a xeografía galega na procura dos feísmos máis comúns, para poñerlles remedio xunto cos veciños e o seu ‘equipo de arranxos’. O equipo de 'Galicia Bonita' sufrirá hoxe en Cuntis a desconfianza dunha propietaria que non aproba case ningunha das tarefas previstas para a súa vivenda. Mónica pretende arranxar a casa dos seus pais, na súa aldea de toda a vida, para poder vivir alí.

Docu-reality de reformas en que unha arquitecta percorrerá a xeografía galega na procura dos feísmos máis comúns, para poñerlles remedio xunto cos veciños e o seu ‘equipo de arranxos’. O equipo do programa acepta o reto dunha reforma en Nigrán nun tempo récord de catro xornadas. Aínda que Laira, Álex, Javier e Carlos acometerán a obra ao ritmo de traballo habitual, viviranse tamén momentos de tensión.

Dous policías, un veterano do corpo e o seu novo compañeiro, son suspendidos cando un vídeo das súas duras tácticas de detención de delincuentes se converte na noticia do día nos medios de comunicación. Ambos os dous, con problemas persoais que poderían solucionarse con cartos, deciden aproveitar a súa condición de civís para facer algo á marxe da lei.

Programa que lles achega aos espectadores galegos toda a actualidade cultural, presentado a diario por Pilar G. Rego e por María Solar os xoves. 'Zigzag' coñecerá as propostas da oitava edición de FFoco, o Festival de Fotografía da Coruña, e visitará e exposición de Juan Giralt coa que reabriu as súas portas en Compostela a Fundación Torrente Ballester.

Magazine divertido e participativo, en directo, presentado por Roberto Vilar e Juan Fuentes, que entretén os espectadores con contidos frescos e sorprendentes.

Faladoiro informativo presentado por Silvia Pereira e Manuel Estévez dende o estudio multimedia da Radio Galega.