CRTVG

Presentan Marcos Sueiro e Raquel Domínguez. Mercedes Seijo encárgase da información deportiva.

Presenta Eduardo Herrero.

Presenta Chus Tanoira.

Programa que lles achega aos espectadores galegos toda a actualidade cultural, presentado por Pilar G. Rego (de luns a venres) e María Solar (fin de semana). A gaiteira Susana Seivane presentará en ‘Zigzag’ a súa nova proposta musical, ‘Non é non’, un berro contra a lacra da violencia de xénero.

Presenta Manuel Cruz. Programa en que se abordan todo tipo de cuestións relativas ao agro e á gandería. Ademais da análise en profundidade da situación actual do sector e das empresas galegas, das normativas europeas e das innovacións tecnolóxicas.

Espazo que, da man do 'carteiro' Víctor Fábregas, realiza cada sábado un paseo pola nosa terra visitando os lugares e conveciños máis descoñecidos, os máis simpáticos, os máis característicos e os máis sorprendentes, descubrindo así un pouco máis cada recuncho de Galicia. O espazo ‘Sen Código Postal’ percorre hoxe a vila pontevedresa de Ponteareas.

Dirixido a toda a familia e baseado na dinámica de preguntas e respostas, neste concurso, presentado por Esther Estévez, os máis novos da casa competirán en parella cos seus pais e avós.

Presentado por Paco Lodeiro, este concurso de preguntas e respostas convida o espectador a xogar desde a casa e dálles aos concursantes a posibilidade de gañar importantes premios. O gran premio acumula 19.400 €. Hai cinco posibles gañadores. Dous dos concursantes chegarán á final e o que sexa capaz de responder cinco preguntas correctamente vai levar o bote. Se erran nalgunha das respostas terán a opción de gañar 200 €. Inma, de Vigo; Alfonso, de Tui; Laura, da Coruña; Javi, de Rubiá, e Sergio, da Coruña,

Presentan Irene Lourido e Alberto Mancebo. Tomás Alonso encárgase da información deportiva.

Presentado por Marcos Sueiro, espazo semanal de reportaxes, que afonda nas claves da actualidade e profunda nos asuntos informativos que suscitan o interese dos espectadores, cun enfoque rigoroso e especializado.

Magazine interxeracional que nas tardes da fin de semana acompañará os espectadores durante tres horas en directo, con entrevistas, música, reportaxes e diferentes seccións desde a perspectiva de diferentes xeracións. Presentado por Rocío Delgado, apoiada por Pili Pampín e Juan Lage, este novo formato de entretemento para toda a familia conta con colaboradores desde os 18 ata os 80 anos. Continúa a conta atrás para o Entroido en ‘Xuntos en directo’, que esta tarde percorrerá o concello de Teo cos xenerais d

Programa comandado por Lucía Veiga, acompañado dos 'maliciosos' Noelia Rey, Pepe Capelán, Antonio Mosquera, Belén Vara, David Perdomo, Trisha Fernández, Fran Cañotas e Miguel Mandayo, que lle dan unha volta, en clave de humor, á actualidade diaria.

Presentan Irene Lourido e Alberto Mancebo. Tomás Alonso encárgase da información deportiva.

'Concurshow' de ritmo frenético cheo de música e baile, que sorprenderá o público con grandes actuacións musicais, probas, premios e convidados famosos con ganas de pasalo ben. Presentado por María Mera e César Romero. Neste primeiro programa, estarán acompañados polo carismático cantante Carlos Baute, ademais de recibir a visita de Diana Nogueira e Manuel San Martín, todo amenizado coa animación da Fanfarria Farruca.

Concurso musical presentado por Arturo Fernández, cargado de humor, que lles propón aos espectadores unha viaxe nostálxica polas emblemáticas salas de festas dos anos 80, combinando lembranzas con actuacións en directo. Esta noite compiten cantando e bailando na 'Sala G' os presentadores da TVG para ver quen ten o mellor programa. Enfróntanse no concurso que conduce Arturo Fernández o actor Adrián Castiñeiras e os presentadores Marcial Mouzo, Lucía Veiga, David Espiño e Esther Estévez.

Nos anos 40 do século pasado, os Bridge, un rico matrimonio de Kansas, viven ancorados ideoloxicamente na década dos anos 20. O señor Bridge trata coa súa muller coma se fose unha das súas propiedades e xulga os seus fillos, xa adultos, como se aínda fosen adolescentes. A súa actitude provoca sentimentos ambivalentes: por un lado, o seu conservadorismo produce bastante malestar entre os seus; pero, por outro, a súa obstinación resulta ás veces divertida.