Programa vivo e variado, presentado por David Espiño e Rocío Durán, onde as grandes protagonistas serán as historias cotiás dos galegos e galegas.

Presenta Chus Tanoira.

Programa de cociña presentado polo chef Iván Mariñas, que se pon ao mando dos fogóns con receitas sinxelas para toda a familia, cheas de sabor e de produtos galegos.

Programa que lles achega aos espectadores galegos toda a actualidade cultural, presentado por Pilar G. Rego (de luns a venres) e María Solar (fin de semana). O ‘Zigzag’ deste sábado xirará arredor do centenario do poeta Carlos Oroza, do que falarán no estudio Antón Beiras e Javier Romero, da asociación Évame.

Serie documental de seis episodios sobre o intelectual ao que a Real Academia Galega lle dedica o Día das Letras Galegas 2023, producida pola propia institución e realizada pola produtora Miramemira. O primeiro capítulo repasa a infancia de Francisco Fernández del Riego no seo dunha familia acomodada de Lourenzá e mais a adolescencia e os primeiros anos de mocidade.

Celebrities, gastronomía e humor, no divertido programa 'Tupper Club'. Tres personaxes famosos recibirán cada semana a chamada do chef Álex Iglesias, que os convidará a cociñar desde as súas casas sen saber quen son os seus rivais. Este mércores, o programa acolle a batalla das batallas culinarias. Enfróntanse os programas 'Estache Bo!', Larpeiros' e ‘A voltas co prato’. Fabas verdes con centola, arroz con cogomelos e costela e garavanzos con ameixas e lagostinos son as receitas televisivas que hoxe disput

Presenta Manuel Cruz. Programa en que se abordan todo tipo de cuestións relativas ao agro e á gandería. Ademais da análise en profundidade da situación actual do sector e das empresas galegas, das normativas europeas e das innovacións tecnolóxicas.

Presenta Chus Tanoira.

Presentan Irene Lourido e Alberto Mancebo. Tomás Alonso encárgase da información deportiva.

Presentado por Marcos Sueiro, espazo semanal de reportaxes, que afonda nas claves da actualidade e profunda nos asuntos informativos que suscitan o interese dos espectadores, cun enfoque rigoroso e especializado.

María Mera percorre Galicia con ‘Carballeira’, un programa de telerrealidade que descubrirá lugares descoñecidos a través das vidas dos seus veciños, enchendo de emoción a tarde dos sábados con historias de encontros e rivalidades, de ledicias e tristezas, de música e humor. O espazo ‘Carballeira’ achégase a Redondela, que esta fin de semana celebra a súa Festa do Choco.

Espazo que, da man do 'carteiro' Víctor Fábregas, realiza cada sábado un paseo pola nosa terra visitando os lugares e conveciños máis descoñecidos, os máis simpáticos, os máis característicos e os máis sorprendentes, descubrindo así un pouco máis cada recuncho de Galicia. 'Sen Código Postal' viaxa hoxe á vila lucense de Carballedo para coñecer os seus atractivos naturais e preparar carne ao caldeiro.

Cada sábado pola tarde, un convidado/a famoso/a e máis o ciclista Óscar Pereiro, gañador dun Tour de Francia, realizarán unha ruta polos recunchos máis espectaculares de Galicia mentres conversan da súa profesión ou da súa vida. Óscar Pereiro percorre esta tarde o Ribeiro co ‘influencer’ Xurxo Carreño.

Programa comandado por Lucía Veiga, acompañado dos 'maliciosos' Noelia Rey, Pepe Capelán, Antonio Mosquera, Belén Vara, David Perdomo, Trisha Fernández, Fran Cañotas e Miguel Mandayo, que lle dan unha volta, en clave de humor, á actualidade diaria.

Presentan Irene Lourido e Alberto Mancebo. Tomás Alonso encárgase da información deportiva.

Programa de reportaxes.

As vodas máis románticas, divertidas, curiosas e entrañables volven achegarse ás pantallas da Galega. En cada unha destas entregas verase a ilusión de moitas parellas de noivos que deciden celebrar o seu enlace, as particularidades de cada noivado, as declaracións de amor máis románticas, os nervios dos preparativos nupciais, as opinións e desexos de amigos e familiares, as expectativas, conflitos e ilusións dos noivos protagonistas. A historia de amor de Iria e Julio culmina hoxe en 'Casamos!' nunha voda q

Celebrities, gastronomía e humor, no divertido programa 'Tupper Club', onde tres personaxes famosos recibirán cada semana a chamada do chef Álex Iglesias, que os convidará a cociñar desde as súas casas sen saber quen son os seus rivais. O cantante Teo Cardalda, as mulleres de Malvela e o líder de Los Satélites, Noly Rodríguez, disputan esta semana o ouro do 'Tupper Club'. O seu reto consistirá en facer pratos con ingredientes que se poidan mercar nunha feira galega.

Comedia familiar, en que prima o humor verbal dos personaxes orixinais do universo rural galego e en que destacan as conversas de Moncho coa súa contorna.

Presenta Chus Tanoira.

Presentan Irene Lourido e Alberto Mancebo. Tomás Alonso encárgase da información deportiva.

Presentado por Paco Lodeiro, este concurso de preguntas e respostas convida o espectador a xogar desde a casa e dálles aos concursantes a posibilidade de gañar importantes premios. O espazo presentado por Paco Lodeiro inicia unha nova semana e faino cun bote de 85.000 €. Duster, da Coruña; Carme, de Xove; Fas, de Cambre; Isolina, da Coruña, e Miguel, de Teo, estréanse no programa.

Espazo de entretemento presentado por Xosé Manuel Piñeiro. O grupo Bombai e a cantante Sabela, esta noite no 'Bamboleo'. O programa musical contará tamén cunha das orquestras galegas máis emblemáticas, Los Satélites, e cos campións do mundo en baile de bachata.

Dirixido e presentado pola xornalista Tania Fernández Lombao, este programa descubrirá cada semana na G2 un título do cinema galego cun coloquio e coa súa proxección posterior.

Conta a historia dunha muller, Xonxa, e dous homes, Pacho e Birutas. As súas relacións na infancia en 1947, na adolescencia en 1964 e na madurez nos anos 80, serven para poder vivir a emigración nas dúas vertentes do éxito e a miseria, na complexidade das relacións humanas, as lendas que se confunden coa realidade nunha aldea que vai morrendo, perdida nos montes de Galicia. O humor mestúrase co realismo máxico, tan presente na cultura galega.